தினம் ஒரு கீரை!

தினம் ஒரு கீரையாம்...
தின்றால் உடல் திடமாகுமாம்!
திசை எங்கும் கிடைக்குமாம்...
தேன்போல இனிக்குமாம்!

தின்னத்தின்ன ஆசையாம்...
திகட்டாமல் இருக்குமாம்!
குழந்தைகூட உண்ணுமாம்...
குடற்புண்ணை விரட்டுமாம்!

கண்ணைப் பாதுகாக்குமாம்...
கை, கால் வலியைப் போக்குமாம்!
முடி உதிர்வதைத் தடுக்குமாம்...
மூலத்தையும் நீக்குமாம்!

சத்து பல நிறைந்ததாம்...
சக்தி அதிகம் கொடுக்குமாம்!
தினம் ஒரு கீரையாம்...
தின்றால் உடல் திடமாகுமாம்!