பள்ளிக்குப் போகணும் தம்பி....

பள்ளிக்குப் போகணும் தம்பி....

படிச்சி பெரியாளா(ரா)கணும் தம்பி!

பலருக்கும் உதவி செய்யணும் தம்பி....

பகுத்தறிவாளனாய் மாறணும் தம்பி!

சுயமாய் சிந்திக்கணும் தம்பி....

சுகபோக வாழ்வைத் தவிர்க்கணும் தம்பி!   (பள்ளிக்குப்...)

எல்லாம் கிடைக்குது பள்ளியிலே தம்பி....

உன் எதிர்காலம் அமைவது கல்வியாலே தம்பி!

ஜாதி மதம் பார்க்காதே தம்பி....

சரித்திரம் படைக்க எழுந்திடு தம்பி!            (பள்ளிக்குப்...)

பிறரைத் தூற்றுவது பாவம் தம்பி....

பேய், பிசாசு என எதுவுமில்லை தம்பி!

மனவலிமையை வளர்த்திடு தம்பி....

மனிதநேயத்தைக் காத்திடு தம்பி!               (பள்ளிக்குப்...)

நம்புவதெல்லாம் வாழக்கையில்லே தம்பி....

நடைப்பிணமாய் வாழ்வதில் அர்த்தமில்லே தம்பி!

நாளைய உலகைப் புரட்டிடு தம்பி....

நட்சத்திரமாய் ஜொலித்திடு தம்பி!              (பள்ளிக்குப்...)

                                                  - எடையூர் ஜெ.பிரகாஷ்

பொட்டபுள்ள பெத்துக்கலாம் சின்னபுள்ள...

வாழமரத் தோப்புக்குள்ள 
வந்து போ சின்னபுள்ள - நான்
வாசமுள்ள முல்லப்பூ 
வச்சிருக்கேன் சின்னபுள்ள...       (வாழமரத் தோப்புக்குள்ள) 

எந்தக் கவலையும் 
உனக்கில்ல சின்னபுள்ள...
எதிர்காலம் நமக்கிருக்கு
சின்னபுள்ள....
ஏழுசீர் குறள்போல - உன்
எழில் இருக்கு சின்னபுள்ள...
எப்பவும் நீதான்
என் உசுரு சின்னபுள்ள... (வாழமரத் தோப்புக்குள்ள) 


பூவும் புடவையும் 
உனக்குத்தான் சின்னபுள்ள...
நான் புதுசா செஞ்ச தாலியும்
உனக்குத்தான் சின்னபுள்ள...
கட்டிக்கொள்ள 
நேரம் பாரு சின்னபுள்ள...
என்னைக் காயப்போட்டது
போதும் சின்னபுள்ள... (வாழமரத் தோப்புக்குள்ள) 


புஞ்சையும் நஞ்சையும்
உனக்குத்தான் சின்னபுள்ள...
நீ - பொங்கிவச்ச சோறு
எனக்குத்தான் சின்னபுள்ள...
பொழுதுசாயும் நேரம்
நமக்குத்தான் சின்னபுள்ள...
நாம பொட்டபுள்ள
பெத்துக்கலாம் சின்னபுள்ள... (வாழமரத் தோப்புக்குள்ள)